Edhe finalizimi i Platformës për Dialogun me Serbinë nuk do të lëkundë qëndrimin e kreut të ekzekutivit, Ramush Haradinaj, rreth taksës ndaj produkteve serbe.

Tashmë ka filluar takimi i Ekipit Negociator, për të quar përpara platformën e harmonizuar ndërmjet përfaqësuesve të koalicionit, por jo edhe të opozitës, raporton arbresh.info.

Ata janë takuar edhe mëngjesin e sotëm me krerët shtetëror për të diskutuar propozimet finale, një ditë para se t’i dorëzohet Kuvendit për miratim.

Vetë kryeministri, Ramush Haradinaj, paraditen e sotme, ka rishprehur qëndrimin se nuk do të ketë ndonjë vendim për taksën, derisa ka kërkuar që të mos kërkoj askush heqjen apo pezullimin e taksës në emër të Shteteve të Bashkuara të Amerikës.

“Amerika flet vet”, ka deklaruar Haradinaj pas takimit.

Mësohet se ekziston pajtim i këtyre palëve që ky dokument të marrë edhe miratimin e deputetëve para seancës solemne të së dielës, për ndër të Ditës së Pavarësisë së Kosovës./arbresh.info/